رائد أعمال ولا موظف ؟! ايهما تفضل ان تكون؟؟

رائد أعمال ولا موظف ؟! ايهما تفضل ان تكون؟؟

في هذه الايام .. شباب كتير عايز يبقي من رواد الاعمال ( تحت شعار أنا عايز ابقي حر نفسي )

الفكره او المعتقد السائد في المجتمع عن ريادة الاعمال هو فكره او معتقد مغلوط مأخوذ من رؤيه محدوده مش موجوده الا في المسلسلات والافلام !!!

والاسئله المطروحه من خلال هذا المقال ..

١. هل اي حد يصلح يكون رائد اعمال ؟!

٢. هل رياده الاعمال سهله وفعلا بيبقي حر نفسه ؟!

٣. هل اصحاب الاعمال هم واجهة اجتماعيه افضل من الموظف طبقا لمعايير المجتمع ؟!

ومن منظور مختلف عن الافكار والمعتقدات الخاطئه واللي تم تصديرها للمجتمع احب اقولك /

الحقيقه ان كلنا في الحياه خلقنا بمهارات مختلفه عشان نكمل بعض .. العربيه والبنزين ( الاتنين مهمين ) .. وكل واحد منهم مالوش اي لازمه ولا قيمه من غيز التاني ! خد ثواني فكر فيها من فضلك

ولكن كل منهم خلق لما هو ميسر له .. وده كلام الدين مش كلامي .. كل منهم له عقليه مختلفه واسلوب حياه مختلف وتجربه شخصيه لا تشبه غيره

وهنا يأتي أهميه الوعي الذاتي / انك تبقي عارف من انت ؟! وقدراتك ونقاط قوتك وضعفك .. وتبقي عارف كمان ما يناسب شخصيتك وشكل حياتك اللي انت عايزه وتقدر عليه

خليني اقولك .. ان العمل كموظف ليس خيارا تقليديا كما يظن البعض بل هو مدرسه حقيقيه لاتقان الانضباط وثقافة العمل الجماعي والتواضع للعلم والتعلم وفهم بنية المؤسسات

الموظف الناجح لا يقوم فقط بانجاز المهام المطلوبه منه بل يحزص علي اكتساب المهارات اللي تساعده يكبر ويتطور ليصبح مؤهل لرياده الاعمال

ريادة الاعمال ليست لقبا أنيقا - بل قد يكون كذلك عند الفاشلين منهم - ولكن عند رواد الاعمال الناجحين هي حياه كامله تحتاج الي شخصيه قويه قادره علي الصمود في وجه التحديات والازمات كما تحتاج الي درجه عاليه من المرونه العقليه والنفسيه ولكن في المقابل تمنح مساحه هائله للتعبير عن الذات وصناعة الاثر

اعتقادك ان ريادة الاعمال امر سهل وانيق - اعتقاد لا اساس له من الصحه .. رائد الاعمال مقيد بالتزامات هائله تجاه نفسه وتجاه عدد كبير من البيوت المفتوحه من وراءه فحين ان الموظف ملزم بنفسه واسرته فقط والتزاماته

فكرة الوجاهه الاجتماعيه فكره شيطانيه زائفه صدقها المجتمع .. لان لو رائد اعمال فاشل فهو خاسر كل شيئ بما في ذلك عمره اللي بيضيع هباء دون ان يستثمره في التعلم كموظف داخل شركه وبيضيع علي نفسه فرصه بديله يكون فيها موظف ناجح

عميلي شاب في الثلاثينات من عمره اشتغل موظف لعام واحد ثم قرر انه يملك العلم اللازم لبناء مشروعه الخاص وبعد سلسله من الخسارات الماليه الفادحه .. قرر التوقف لبحث الامر !!

لما اتكلمنا لقينا انه لم يعطي نفسه الفرصه الكافيه للتعلم كموظف واكتساب المرونه من المواقف والتحديات وان امتلاكه للمهاره الفنيه غير كافي نهائي لانجاحه كرائد اعمال بالاضافه الي انه كان من الممكن ان يكون امهر موظف في مجاله ويترقي داخل شركته ويتعلم ولكنه اليوم بتسرعه اصبح اسوء رائد اعمال

الخلاصه / سيبك من اللي يقولك ان ده احسن من ده … اعرف نفسك قوي ووظفها في المكان اللي ممكن تكبر وتنجح فيه …

عشان كده طريقه تفكيرك مهمه .. لان من خلالها هتشوف الامور كما يجب ان تكون وليس كما صدرها لك المجتمع .

لو مهتم تعرف أكتر أضغط علي اللينك وخلينا نبدأ رحلة التغيير
https://landing.topperformers.world/