قصة غرق السباح يوسف والعشوائيه
قصة غرق السباح يوسف والعشوائيه
تعالي اقولك ازاي قصة يوسف .. قصه عشوائيه قبل ما تكون فساد اداري
يوسف السباح رحمة الله عليه .. مات لانه قدر الله .. احنا مؤمنين وعارفين .. انه لن يموت احد الا في اجله .. ولو اراد الله له الحياه .. كان هيعيش رغما عن انف الجميع ولكن
ايه دور العشوائيه هنا … ؟!
تعالي اقولك .. محدش يقدر يقول ان النظام الاداري كان ممكن يمنع قضاء ربنا .. ابدا حاشا الله .. امر الله نافذ ولو وضعت الف خطه وعملت كل اللي عليك ..ولكن علي الاقل:
النظام كان هيقولنا الخطأ فين
النظام كان هيقولنا في تقصير ولا مفيش
النظام كان هيوفر مدرب لكل عدد محسوب من المتدربين يمكنه من تقليل نسبة الخطأ والتدخل في الوقت المناسب
النظام كان هيعين ناس مدربه جيدا ومتفهمه ومدركه للمسئوليه وحجمها .. مش بتلعب في الموبيل
النظام كان هيوفر عربيات الاسعاف والمسعفين في الوقت السليم
النظام كان هيخلينا نقدر نجزم ان ده قضاء وقدر ولا خطأ وتقصير
النظام كان هيخلينا نحدد المخطئ بعنايه فائقه و نحاسبه علي قدر خطئه ونتعلم الدروس ونطور منظوماتنا
اما غياب النظام …
مخلينا كلنا متعاطفين بس مش قادرين نشاور علي الخطأ فين
مخلينا كلنا بنقول هو قضاء ربنا بس اكيد كان فيخطأ
مخلينا مش عارفين ده خطأ المدرب والحكم ولا النادي ولا الام ولا المسعفين ولا مين
مخليناكلنا تايهين .. او ظالمين او متكتفين .. ولكن الحاجه الوحيده اللي متفقين عليها هي العشوائيه !!!
هنرجع نقول .. طب العشوائيه ده بقي مسئولية مين ؟
لما هتبص علي قصة السباح يوسف من بعيد هتعرف
ان النظام هيخدمككمواطن وكموظف وكمدير وكمسئول وكضحيه !!
وتعرف كمان ان العشوائيةلا تخدم الا الظالمين والحراميه والمستهترين والجناه اللي عايزين يستخبوا في الكركبه ويشيلوا اي حد بلاويهم
هي مش رؤيه شخصيه .. هي حقيقه واقعيه اثبتها العلم والدين والتجربه الحياتية
ولو مهتم تعرف اكتر اضغط علي اللينك وخلينا نبدأ رحلة التغيير
https://landing.topperformers.world/
المنظومه العشوائيه صعب يطلع منها مقصر
خلينا بس منطقيين .. ما هو مش عشان تجيب حق واحد .. تظلم ناس تانيين !!
sفي ظل العشوائية الاداريه .. في مهام بتبقي ضايعه .. اي حد يعملها .. وده كفيل يخلي كل واحد باللاوعي يعتمد علي غيره يعملها .. تقوم النتيجه تبقي ( ان مفيش حد عملها .. ومفيش حد مسئول عنها)
في ظل العشوائية- وانا معين مدرب واحد ل٥٠ سباح مثلا ... مقدرش اقوله انه مقصر .. لان ابسط حاجه الإجراءات هتقول انه شايل فوق طاقته - هتيجي تدور علي اللي شيله فوق طاقته مش هتلاقي - لان مفيش مستند واحد الزمه انه يشيل فوق طاقته ... كله بالحب .. ومحدش قال ( لا ) .. !!
وأنا عارفه كده .. وانت عارف كده .. والشعب المصري عارف كده .. والقاضي ذات نفسه عارف كده .. وأم الضحيه برده كانت شايفه وعارفه كده وهي مش اول بطوله تدخلها ولا اول وضع غلط تقابله .. ومش بهاجمها .. ربنا يربط علي قلبها !!!
بس هي عشوائيه وحياه غلط .. كلنا شايفينها وكلنا عايشينها .. ... ومحدش فينا اعترض عليها .. تحت بند .. اصل ده حال البلد .. واحنا هنعمل ايه يعني .... !!!
وتحت بند الشعب المتدين بطبعه/ ربنا هيستر *_^ !!
شعب عادي متعايش مع الغلط .. عشان ربنا بيستر .. مش قادر يفهم انه يمهل ولا يهمل .. وفي لحظه ستره هيترفع وتزعل اوي !!
طب انتوا عايزين ايه دلوقتي ... نظلم ناس ونحاسبها علي عشوائيه كلنا قبلناها .. بانهي منطق !!!
الحل / في منظومة اصلاح اداري تخدم الجميع وتحدد المسئوليات ونحفظ الحقوق وده ينطبق علي كل المؤسسات باختلاف نشاطاتها .
ولو مهتم تعرف اكتر اضغط علي اللينك وخلينا نبدأ رحلة التغيير
